തിരുവാർപ്പ് സഞ്ചാര സ്വാതന്ത്ര്യ സമരചരിത്രം 1925-27

തിരുവാർപ്പിലെ പൊതു ക്ഷേത്രവഴികളിൽക്കൂടി എല്ലാ വിഭാഗം ജനങ്ങൾക്കും സഞ്ചരിക്കുന്നതിനുള്ള അവകാശ സ്ഥാപനത്തിനായി ദേശാഭിമാനി ടി.കെ. മാധവന്റെ നേതൃത്വത്തിൽ 1926-27 കാലഘട്ടത്തിൽ നടന്ന സമരം തിരുവാർപ്പ് സഞ്ചാര സ്വാതന്ത്യ സമരം എന്നറിയപ്പെടുന്നു. കേരളത്തിന്റെ നവോത്ഥാന മുന്നേറ്റങ്ങൾക്ക് ഗതിവേഗം പകർന്ന സമരത്തിന്റെ ഒരു ഘട്ടത്തിൽ 1927 സെപ്തംബർ 4 ന് സമരഭൂമിയിൽവച്ച് ടി.കെ. മാധവൻ, സി. കുട്ടൻ നായർ തുടങ്ങിയ സമര ഭടന്മാർക്ക് മർദ്ദനമേൽക്കേണ്ടിവന്നതോടെ സമരം കൂടുതൽ പണിയായി മാറുകയുണ്ടായി. തുടർന്ന് 1928-ലെ തിരുവിതാംകൂർ സഞ്ചാര സ്വാതന്ത്ര്യ വിളംബരത്തോടെ പൊതുവഴികൾ എല്ലാവിഭാഗം ജനങ്ങൾക്കും സഞ്ചരിക്കുന്നതിനായി തുറന്നുകൊടുക്കപ്പെട്ടു. മഹാത്മാഗാന്ധിയുടെ പിൻതുണയോടെ ദേശീയ ശ്രദ്ധയാകർഷിച്ച സമരത്തിന്റെ തുടർച്ചയായി 1937 ജനുവരി 19 ന് ഗാന്ധിജി തിരുവാർപ്പ് സന്ദർശിക്കുകയും അധകൃത ജനവിഭാഗളോടൊപ്പം തിരുവാർപ്പ് ശ്രീകൃഷ്ണസ്വാമി ക്ഷേത്രത്തിൽ ദർശനം നടത്തുകയും ചെയ്തു. ദേശാഭിമാനി ടി.കെ. മാധവന്റെ നേതൃത്വത്തിൽ നടന്ന തിരുവാർപ്പ് സഞ്ചാരസ്വാതന്ത്ര്യ സമരം, സമരത്തിനു പിൻതുണ നൽകിയ ഗാന്ധിജിയുടെ തിരുവാർപ്പ് സന്ദർശനം, എന്നീ ചരിത്ര സംഭവങ്ങളുടെ സ്മരണ നിലനിർത്തുന്നതിനും, കേരള നവോത്ഥാനത്തിനു നെടുനായകത്വം വഹിച്ച, ടി.കെ. മാധവന്റെ ത്യാഗപൂർണ്ണമായ ജീവിതം വരുംതലമുറക്ക് പഠിക്കുന്നതിനും, ട്രസ്റ്റ് ആക്ട് പ്രകാരം രജിസ്റ്റർ ചെയ്തു 2016 പ്രവർത്തിച്ചുവരുന്ന സംഘടനയാണ് “തിരുവാർപ്പ് സഞ്ചാരസ്വാതന്ത്ര്യ സമരനായകൻ ടി. കെ. മാധവൻ ട്രസ്റ്റ് “